Ötən gün DÇ-2026-nın seçmə mərhələsində Fransa-Azərbaycan (3:0) matçında maraqlı anlar yaşanıb. Oyun zamanı Azərbaycan yığmasının futbolçusu Elvin Bədəlov ilə “Real”ın hücumçusu Kilian Mbappe arasında qısa dialoq baş tutub. Onların həmin görüntüləri sosial şəbəkələrdə müzakirə mövzusuna çevrilib.

Elvin Bədəlov “Qafqazinfo”ya açıqlamasında bildirib ki, söhbət Mbappenin zədəsi ilə bağlı olub:

“Əslində zədə ilə bağlı ondan əvvəl də söhbətləşirdik. Elə oldu ki, ayağı ağrıdı. Ona dedim ki, ağrıyırsansa, əvəzetmə istə, sən də rahat ol, biz də. Cavab verdi ki, ‘ağrım var, bir azdan əvəzetmə istəyəcəyəm’. Başqa söhbət olmayıb.”

Bədəlov vurğulayıb ki, dialoq yalnız sağlamlıq vəziyyəti ilə bağlı olub və digər məsələlər müzakirə edilməyib.