PSJ-nin hücumçusu Kilian Mbappe bu yay klubunu dəyişməyəcək.

foto.info.az Fransa mətbuatına istinadən xəbər verir ki, bu barədə o, özü açıqlamasında deyib:

“Mən PSJ-dəyəm və klubun layihəsinin bir hissəsi olmaq istəyirəm. Gələn mövsüm burada olacağam və mümkün qədər çox kubok almağa çalışacağam.

Burada dördüncü ilim olacaq. Bu, vacib bir ildir. Klub 50 illik yubileyini (bu il-red) qeyd edir, bu komanda və azarkeşlər üçün vacibdir və mən bütün mümkün kubokları qazanmağa və özümü ən yaxşı şəkildə sübut etməyə çalışacağam".

Qeyd edək ki, Mbappenin PSJ ilə müqaviləsi 2022-ci ilin yayında başa çatır.