USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Aİ Çin avtomobillərinə qarşı yeni rüsumlar hazırlayır
Avropa İttifaqı Çin istehsalı olan plug-in hibrid avtomobillərə əlavə rüsumların tətbiqinə hazırlaşır.
Məlumata görə, Avropa Komissiyası Çin avtomobil istehsalçılarına qarşı kompensasiyaedici tariflərin tətbiqi ilə bağlı hazırlıq işlərini tamamlayıb. Qərarın qüvvəyə minməsi üçün Aİ-yə üzv ölkələrin əksəriyyətinin razılığı tələb olunur.
Yeni rüsumların əsasən Çin istehsalı olan plug-in hibrid avtomobilləri əhatə edəcəyi bildirilir. Avropa rəsmiləri Çin şirkətlərinin dövlət subsidiyaları hesabına bazarda haqsız üstünlük qazandığını düşünür.
Qeyd edək ki, Aİ 2024-cü ildən etibarən Çin istehsalı olan elektromobillərə də əlavə rüsumlar tətbiq edib. Yeni qərar qəbul olunarsa, məhdudiyyətlər hibrid avtomobillərə də şamil ediləcək və bu, Brüssel–Pekin ticarət münasibətlərində gərginliyi artıra bilər.
Son illər Çin avtomobil istehsalçıları Avropa bazarında sürətlə möhkəmlənir və xüsusilə BYD, Chery və SAIC kimi brendlərin satışlarının artması Avropa istehsalçıları arasında rəqabət narahatlıqlarını gücləndirib.
