Şampunların pH dəyəri qutunun bilgiləndirmə etiketində yazılır. PH göstərilmədiyi təqdirdə şampunun pH-nı necə təyin etmək olar?

Təəssüf ki, çoxlarınıza laboratoriya təcrübələri mumkun olmadığına görə şampun seçimində yalnız "prob" metodu qalır. Və ya Trixoloqa müraciət.

- Saçınız daranandan sonra sərt və kobud olarsa, yaxşı daranmazsa bu halda çox qələvi şampun seçmisiniz. Əgər saçınız tez kirlənirsə, yağlanırsa demək ki, şampun çox turş mühitlidir.

- pH 7-dən aşağı olarsa turşu mühitli şampundur (sayı nə qədər azdırsa, o qədər turşuluq daha yüksəkdir), 7-dən yuxarı pH isə qələvi şampundur.

Quru, zəifləmiş və zədələnmiş, rənglənmiş saçlar üçün turş mühitli şampunlar (yəni yumşaq şampunlar) tövsiyə olunur.

Yağlı saçlar üçün neytral və ya qələvi tarazlığı olan (pH 6-8) şampunlardan istifadə etmək tövsiyə olunur.

Uşaqlar üçün pH 6-8 olan yalnız neytral şampunları seçmək lazımdır.

Bəzi insanlar saçını sabunla yuyur, sabunun saçını daha həcmli və dolğun göstərdiyini söyləyirlər.

PH-ı yüksək təmizləyicilər saçın üst qismindəki qapaqları açaraq saçı daha qabarıq göstərir. Ancaq sağlıqlı saçın qapaqları (kutikula qatlarınının) qapalı olmalıdır. Açıq qapaqlar saçın xarici faktorlara qarşı dayanıqlığının itməsinə səbəb olur və saçı daha mat və solğun göstərir.