Qarabağda separatçı rejimin keçmiş "prezidentləri" Bako Saakyana və Arkadi Qukasyana, habelə sonuncu "parlament sədri" Davit İşxanyana qarşı Azərbaycan CM-in beş maddəsi ilə ittiham irəli sürülüb.

Bu barədə Azərbaycan DTX-nin məlumatında bildirilir.

Separatçılar xüsusən 214.2.1, 214.2.2, 214.23 (terrorçuluq, mütəşəkkil dəstə tərəfindən və təkrar törədildikdə, odlu silahdan və silah qismində istifadə olunan predmetlərdən istifadə etməklə törədildikdə), 214-1 (terrorçuluğu maliyyələşdirnə), 214-3.2 (terrorçuluq məqsədilə təlimlərin təşkili), 228.3 (qanunsuz silah dövriyyəsi) və 279.3-cü (qanunla nəzərdə tutulmayan silahlı birləşmə yaratma) maddələrlə ittiham olunurlar.

Hazırda cinayət işi üzrə əməliyyat-istintaq tədbirləri davam etdirilir.

Xatırladaq ki, Səbail Rayon Məhkəməsi onlar barəsində 4 ay müddətinə həbs qətimkan tədbiri seçib.

Qeyd edilən maddələrlə onları uzunmüddətli, hətta ömürlük həbs cəzası gözləyir.