"İlham Əliyev fevralın 20-də Artur Rasi-zadəni qəbul edib və ona “Heydər Əliyev” ordenini təqdim edib.

Qeyd edək ki, fevralın 26-da Artur Rasi-zadənin 90 yaşı tamam olacaq".

Adı daima 20 yanvar ərəfəsində Sovet qoşunlarının Bakıya çağırılması üçün olan sənədi imzalamış şəxs kimi hallanan Artur Rasizadə ilə bağlı ittihamı yenə qeyd edək.

Vaxtilə dövlət aparatında yüksək vəzifələr tutmus müxtəlif şəxslər bu ittihamı təsdiqləyən məlumatları mətbuat orqanları ilə bölüşüblər.

"Sovet ordusunun 20 yanvar 1990-cı il tarixində Bakıda törətdiyi qanlı hadisələrin 32-ci ildönümündə xatırlanan məmurlardan biri də Azərbaycanın keçmiş baş naziri Artur Rasizadədir.

İddialara görə, məhz A.Rasizadə Bakıdakı etirazçılara qarşı qoşun yeritmək barədə Moskvaya gizli teleqram göndərib.

AXC dövründə Nazirlər Kabinetinin aparat rəhbəri
olmuş Ramiz Yunus:

"Rəsizadənin Moskvaya şifrəli teleqramını özüm görmüşəm”

"Təbii ki, sənəd rus dilində idi və Rəsizadənin imzası vardı. Teleqramın məzmunu təxminən belə idi: "Bakı şəhərində Sovet İttifaqının əleyhinə təxribatlar aparılır və bu, SSRİ-yə qarşı ideoloji hərəkatı gücləndirib. Gedişat respublikada sovet hakimiyyətinin çökməsi təhlükəsini yaradıb. Azərbaycan rəhbərliyi tərəfindən xahiş edirik, situasiyanı sabitləşdirmək üçün hərbi heyət göndərəsiniz, əks təqdirdə hakimiyyət təxribatçıların əlinə keçəcək”.

AXC hakimiyyəti dövründə Respublikanın Baş prokuroru olmuş İxtiyar Şirin də Rasizadənin Moskvaya qoşun çağırmaqla bağlı müraciətinin olması faktını dəfələrlə bildirib.