ABŞ prezidenti Donald Tramp Kremlin sülh danışıqlarını dayandıracağı təqdirdə Moskvaya təzyiqləri artıracağı ilə hədələyib.

Amerika lideri bu barədə NBC News telekanalına müsahibəsində bildirib.

"Ukraynada axan qanı dayandırmaq üçün Rusiya ilə razılığa gələ bilməsək və bunun Rusiyanın günahı olduğu qənaətinə gəlsəm, Rusiyadan gələn bütün neftlərə ikinci dərəcəli rüsumlar tətbiq edəcəyəm", - Tramp deyib.

Ağ Ev rəhbəri izah edib ki, yeni tariflər Rusiya neftini alan şirkətlərin ABŞ-da bizneslə məşğul ola bilməyəcəkləri anlamına gələcək.

“Bütün neftə 25%-dən 50 bəndədək rüsum tətbiq olunacaq”, - Tramp əlavə edib.

ABŞ prezidenti qeyd edib ki, Putin bilir ki, Rusiya liderinin bu cür hərəkətləri onu qəzəbləndirir.