USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hikmət Babaoğlu Əli Kərimlinin xarici forumlarla bağlı açıqlamalarını tənqid edib
Milli Məclisin deputatı Hikmət Babaoğlu Azərbaycan Xalq Cəbhəsi Partiyasının (AXCP) sədri Əli Kərimlinin xarici tədbirlərdə iştirakı ilə bağlı açıqlamalarına münasibət bildirib.
Deputat “Pravda.az”a açıqlamasında qeyd edib ki, hər il yüzlərlə azərbaycanlı siyasətçi, alim və ictimai xadim beynəlxalq konfrans və forumlarda iştirak etsə də, bunu xüsusi hadisə kimi ictimaiyyətə təqdim etmir:
“Əli Kərimli isə hər hansı konfrans dəvətini cəmiyyətə böyük hadisə kimi çatdırır. Bu, onun siyasi çəkisinin azlığından xəbər verir. Görünür, belə tədbirlər onun üçün fövqəladə hadisə sayılır. Bu isə həm siyasi, həm də psixoloji durumunu göstərir.”
Hikmət Babaoğlu həmçinin Kərimlinin “hakimiyyət mənim xaricə çıxmağımdan qorxur” iddiasını əsassız adlandırıb:
“Qorxan hakimiyyət torpaqları işğaldan azad edə, ‘Böyük Qayıdış’ı həyata keçirə, beynəlxalq aləmdə öz şərtlərini qəbul etdirə bilməzdi. Belə iddia reallıqla uzlaşmır. Əli Kərimli böyüdücü güzgü önünə keçib, özünü özündən böyük görmək istəyir. Bu isə psixoloji pozuntudur.”
Xatırladaq ki, sentyabrın 2-də AXCP sədri Əli Kərimli xarici səfərlərinə qoyulan məhdudiyyətlər səbəbindən Varşava Təhlükəsizlik Forumunda iştirak edə bilmədiyini açıqlayıb. Onun sözlərinə görə, artıq 20 ilə yaxındır pasport ala bilmir və ölkədən çıxışına məhdudiyyət tətbiq olunub:
“Forumda iştirak edə bilmək üçün Baş Prokurorluğa yenidən müraciət edəcəyəm,” – deyə Kərimli qeyd edib.
