Biz bilirik ki, müasir təhsil sistemi Kurikulum sistemidir. Şagirdlərə dərsə başlayarkən ilk növbədə motivasiya vermək lazımdır. Motivasiya şagirdlərdə dərsə həvəs yaradır və diqqətlərini daha çox dərsə yönləndirir. Motivasiya dərsin mövzusunu açmalıdır ki, şagirdlər də maraq oyada bilsin. Hər şagirdin və tələbənin dərslərini qavrama qabiliyyəti eyni deyildir. Buna görə də müəllim çox yaxşı analiz qabiliyyətinə malik olmalıdır. Hər bir şagirdə, tələbəyə bacara biləcəyi bir tapşırığı verməlidir. Bildiyimiz kimi qiymətləndirmə metodu da burada böyük rol oynayır. Qiymətləndirmə metodu şagirdləri və tələbələri həm ruhlandıra, həm də ruhdan sala bilər. Müəllim dərslərində zəif iştirak edən bir şagirdi ,tələbəni yalnız qiymətləndirmə metodu ilə dərslərində daha aktiv olmağa və eyni zamanda onlarda dərslərinə daha həvəslə yanaşmasını təmin edə bilər. Bir sözlə, müəllim şagirdlərin yaş xüsusiyyətlərini və fərdi qabiliyyətlərini nəzərə alaraq sinifdə iş aparmalıdır.

Əgər ,müəllim yüksək nəticə əldə etmək istəyirsə bu zaman o, təlimi məqsədyönlü və düzgün aparmalıdır.

Təlim və təhsildə nəzarətin də rolu böyükdür. Təlim də nəzarət bir çox cəhətdən əhəmiyyətlidir O, həm şagird və müəllim, valideyn üçün, həm də məktəb rəhbərliyi üçün olduqca əhəmiyyətlidir.

Nəzarət zamanı müəllim şagirdin təlim səviyyəsini öyrənir və öz metodları ilə şagirdləri istiqamətləndirir.

Yuxarıda da qeyd etdiyimiz kimi müəllim yaxşı analiz qabiliyyətinə malik olmalıdır. Bəs bunu necə özündə inkişaf elətdirə bilər?

Məlumdur ki, müəllim elə-belə formalaşmır. Müəllimi ilk növbədə öz ailəsi sonra isə təhsil aldığı müəssisələr formalaşdırır. Ali məktəbə qəbul olmaq o demək deyil ki, artıq sən müəllimsən. Müəllimlik hər şeydən əvvəl şərəfli və nəcib peşədir.

Məqsədyönlü hər bir tələbə universitetdaxili təşkilatlarda özünü daha da inkişaf elətdirə biləcək işlərlə məşğul olmalı və öz potensialını önə çıxararaq daha da inkişaf elətdirməlidir. Əgər, bir tələbə insanlarla ünsiyyət qurmağa çətinlik çəkirsə mütləq özündən bu kompleksi uzaqlaşdırmalı və özünü inkişaf elətdirməlidir. İctimai işlərlə məşğul olmaq belə tələbələr üçün ən əlverişli üsuldur. İctimai işlərlə məşğul olarkən istər-istəməz belə problem yaşayan tələbələrin nitqi də formalaşacaqdır. Nitqi formalaşmamış tələbə gələcəkdə necə müəllim kimi işləyə bilər?!

Müəllim öz nitqi ilə tələbələrinə və şagirdlərinə bir nümünədir. Nəyin ki, nitqi ilə eyni zamanda təmkinli, səbrli və öz şəxsi keyfiyyətləri ilə də bir nümunədir. Bir sözlə, müəllimin hərəkət və davranışları ədəb qaydalarını gözləməsi şagirlərə və tələbərə düzgün yol istiqaməti verər. Dərslərdə eyni zamanda şagirdləri vətənpərvər ruhda yetişdirmək lazımdır. Gənclərimiz vətəninin keçmişini unutmamalı, vətəninin tarixini bilməli və qan yaddaşını unutmamalıdır. Bizim gənclərimiz bizim sabahımızdır. Gənclərimiz sabahlarımızın müəllimi, həkimi, hərbiçisidir .Bu işıqlı yola gedən yolların təməlini məhz müəllimlər qoyur.

Ulu öndər Heydər Əliyevində dediyi kimi:"Mən dünyada müəllimdən yüksək ad tanımıram".

Əntiqə Səlimzadə
Azərbaycan Dövlət Pedaqoji Universiteti, İncəsənət və fiziki tərbiyə fakültəsinin 2 kurs tələbəsi

Yazı “XXI Əsr Təhsil Mərkəzi ” İctimai Birliyinin Azərbaycan Respublikasının Elm və Təhsil Nazirliyinin maliyyə dəstəyi ilə “Təhsilalanlar arasında ictimai fəallığın dəstəklənməsi” layihəsi çərçivəsində hazırlanıb