USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İtaliya aerportlarında xaos
İtaliya hava limanlarında yerüstü personalın tətili minə yaxın həm daxili, həm də beynəlxalq reysin ləğvinə səbəb olub. Beləliklə, 250 mindən çox sərnişin zərər çəkib.
Foto.info.az xəbər verir ki, etiraz nümayişinə səbəb sərnişinlərin daşınması və yoxlanılmasına cavabdeh olan işçilərin yeni kollektiv müqavilənin bağlanması və əməkhaqlarının artırılması tələbidir. Aksiyaya pilotların bir hissəsi də qoşulub.
Nəqliyyat naziri Matteo Salvini tətilçilərə müraciət edərək, onları milyonlarla digər işçi və turistlərə zərər verməməyə, sağlam düşüncə nümayiş etdirməyə çağırıb.
Qeyd edək ki, bu, İtaliyada iyulun 13-də ümummilli dəmiryolu tətilindən sonra minlərlə insanı əhatə edən və ictimai nəqliyyatda problemlər yaradan ikinci tətildir.
Qeyd edək ki, tətillər İtaliyaya səyahət mövsümünün ən pik vaxtlarına salınıb.
