USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanda taksilərlə bağlı yeni tələblər tətbiq olunacaq
Azərbaycanda taksi minik avtomobilləri ilə sərnişin daşımalarına dair texniki və tərtibat tələblərində dəyişiklik ediləcək. Bununla bağlı Prezident İlham Əliyev “Avtomobil nəqliyyatı haqqında” qanunda dəyişiklik edilməsi barədə 3 mart 2026-cı il tarixli qanunun tətbiqi ilə bağlı sərəncam imzalayıb.
Sərəncama əsasən, Nazirlər Kabineti qanunun 15.5-ci maddəsinə uyğun olaraq, qeyri-müntəzəm sərnişin daşımalarında istifadə edilən avtonəqliyyat vasitələrinə dair tələblərin müəyyənləşdirilməsi məqsədilə 3 ay müddətində “Müntəzəm və taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər”ə müvafiq dəyişikliklər etməli və bu barədə ölkə Prezidentinə məlumat verməlidir.
Nazirlər Kabinetinə qanundan irəli gələn digər məsələlərin həlli də tapşırılıb.
