Bu gün Bakı Apellyasiya Məhkəməsində hakim Aqil Musayevin sədrliyi ilə Fazil Qasımov barəsindəki hökmlə bağlı şikayətə baxılıb. Məhkəmə qərarı ilə apellyasiya şikayəti təmin edilməyib və əvvəlki hökm qüvvədə saxlanılıb.

Xatırladaq ki, Bakı Ağır Cinayətlər Məhkəməsinin hökmünə əsasən, Fazil Qasımov 9 il, onunla birlikdə ittiham olunan Anar Əliyev isə 5 il müddətinə azadlıqdan məhrum edilib.

Fazil Qasımov Cinayət Məcəlləsinin 204.3.1-ci maddəsi (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) ilə ittiham olunur. O, Qubad İbadoğlunun işi ilə bağlı Türkiyədə saxlanılaraq Azərbaycana gətirilib.

İstintaq zamanı Fazil Qasımovun işi Qubad İbadoğlunun cinayət işindən ayrılaraq ayrıca icraata götürülüb.