USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tramp Hindistana qarşı əlavə gömrük rüsumları tətbiq etdi
ABŞ Prezidenti Donald Tramp Hindistandan idxal olunan məhsullara əlavə 25 faiz gömrük rüsumu tətbiq edəcəyini açıqlayıb. Ağ Evin məlumatına görə, bu qərarın əsas səbəbi Hindistanın Ukraynaya qarşı müharibəyə baxmayaraq Rusiya neftini almaqda davam etməsidir. Yeni Dehlidən isə qərara etiraz səslənib.
Ağ Evdən verilən açıqlamada bildirilir ki, Prezident Tramp bu qərarı imzaladığı fərmanla rəsmiləşdirib. Yeni fərmana əsasən, Hindistandan gətirilən bir çox məhsula tətbiq olunan rüsum 25 faiz artırılaraq 50 faizə çatdırılacaq. Qərar üç həftə sonra qüvvəyə minəcək.
Bununla belə, elektronika və əczaçılıq məhsulları kimi bəzi əsas sahələr bu əlavə rüsumlardan azad olunacaq. Sabahdan etibarən Hindistana qarşı artıq əvvəlcədən elan olunmuş 25 faizlik yeni gömrük rüsumu qüvvəyə minəcək.
