“Omikron” koronavirus ştamı bütün dünyada çox sürətlə yayılacaq və infeksiyanın əvvəlki variantlarını əvəz edəcək. Bunu Qamaleya adına Rusiya Milli Elmi-Epidemiologiya və Mikrobiologiya Mərkəzinin patogen mikroorqanizmlərin populyasiya dəyişkənliyi mexanizmləri laboratoriyasının rəhbəri Vladimir Quşçin deyib.

"Danimarka, Norveç, Böyük Britaniya, ABŞ-a gəldikdə, biz görürük ki, “omikron” çox sürətli şəkildə deltanı əvəz etməyə başlayır", - Quşçin vurğulayıb.

Rusiyalı mütəxəssis eyni zamanda bildirib ki, “omikron”un “canlı peyvənd”ə çevrilə biləcəyi ilə bağlı fikirlərin doğru olduğuna inanmır.

Noyabr ayında Afrikanın cənubunda koronavirusun çoxlu sayda mutasiyaya malik variantı aşkar edilib. Həmin ştama “omikron” adı verilib. Hal-hazırda, o, yüzdən çox ölkədə qeydə alınıb.