“BMT baş katibi Antoniu Quterreş Rusiya və Ukrayna arasında baş verənlər mövsuzunda irəliyə doğru tək yolun dialoqdan keçməkdən ibarət olduğuna inanır”.

“Report”un yerli bürosu xəbər verir ki, bunu BMT Baş katibinin sözçüsü Farhan Haq keçirdiyi mətbuat konfransında deyib.

F.Haq bildirib ki, BMT məsələnin sülh yolu ilə həlli istiqamətindəki bütün səyləri dəstəkləməyə hazırdır: “BMT baş katibinin siyasi məsələlər və sülhün qorunması üzrə müavini Rozmari Di Karlonun BMT Təhlükəsizlik Şurasının iclasındakı çıxışında ifadə etdiyi bir çox narahatlıqlar var. Biz bu məsələlərdən narahatıq. Baş katib irəliyə doğru tək yolun dialoqdan keçmək olduğuna inanır. Müvafiq tərəflərin bu mövzuda iştirak etmək üçün göstərdiyi bütün səyləri alqışlayırıq”.