USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nazir: Xocalı soyqırımı bütün bəşəriyyətin faciəsidir!
Xocalı soyqırımı yalnız Azərbaycan və azərbaycanlıların deyil, bütün bəşəriyyətin, hər bir insanın faciəsidir. Dünya birliyi günahsız insanların qətlini qəbul etməməli, Xocalı faciəsi ilə bağlı ədalət səsini ucaltmalıdır.
Axar.az xəbər verir ki, bu sözləri Azərbaycanın təhsil naziri Emin Əmrullayev Tiflisdə "Xocalıya ədalət!" adlı sərginin açılış mərasimində söyləyib.
Onun sözlərinə görə, Azərbaycan xalqı 44 günlük Vətən müharibəsi nəticəsində torpaqlarını işğaldan azad edib, ərazi bütövlüyünə qovuşub. Lakin Xocalıda qətlə yetirilən günahsız insanlar unudulmur.
“Biz də heç zaman Xocalını unutmayacağıq və unutdurmayacağıq. Dünya birliyi Xocalı soyqırımına düzgün qiymət verməlidir ki, bu cür qətliamlar bir daha təkrarlanmasın”, – deyə E.Əmrullayev vurğulayıb.
