2022-ci ilin iyul ayında səyahət edənlər üçün ən yaxşı pasportların siyahısında Asiyanın üç ölkəsi liderlik edir. Bu öz vətəndaşlarına 193 istiqamətə vizasız və ya tələb üzrə vizasız səyahət təklif edən Yaponiya, həmçinin Sinqapur və Cənubi Koreyadır (192 istiqamət).

Londonun “Henley & Partners” konsaltinq şirkəti tərəfindən dərc edilən yeni rüblük hesabatdan belə məlum olur.

Bundan sonra siyahını Almaniya, İspaniya (190 istiqamət), Finlandiya, İtaliya, Lüksemburq (189 istiqamət), Avstriya, Danimarka, Niderland, İsveç (188 istiqamət), Fransa, İrlandiya, Portuqaliya, Böyük Britaniya (187 istiqamət), Belçika, Yeni Zelandiya, Norveç, İsveçrə, ABŞ (186 istiqamət), Avstraliya, Kanada, Çexiya, Yunanıstan, Malta (185 istiqamət), Macarıstan (183 istiqamət), Litva, Polşa, Slovakiya (182 istiqamət).

Qeyd edək ki, Azərbaycan 78-ci yerdə qərarlaşıb. Azərbaycan vətəndaşları 70 ölkəyə vizasız səyahət edə bilərlər.

2022-ci ilin iyul ayında səyahət üçün ən pis pasportların siyahısı isə belədir: Şimali Koreya (40 istiqamət), Nepal, Fələstin ərazisi (38 istiqamət), Somali (35 istiqamət), Yəmən (34 istiqamət), Pakistan (32 istiqamət), Suriya (30 istiqamət), İraq ( 29 istiqamət), Əfqanıstan (27 istiqamət).

Mənbə: CNN