Bakı 28°C
USD - 1.7000
EUR - 2.0141
RUB - 0.0226

Bakıda avtomobil iki piyadanı vurub. Ölən var

Bakıda avtomobil iki piyadanı vurub. Ölən var

Avqustun 17-si saat 03:10 radələrində 1992-ci il təvəllüdlü paytaxt ‎sakini Nəsirov Vüsal Məmmədəli oğlu idarə etdiyi "Mercedes" markalı ‎avtomobil ilə paytaxtın Nərimanov rayonu, K.Rəhimov küçəsi 12 ‎ünvanın qarşısında piyada keçidi olmayan yerdən yolu keçən 1986-cı il ‎təvəllüdlü Eyvazov Feyruz Emruz oğlunu və 1988-ci il təvəllüdlü ‎Ağayeva Elnurə İzzətalı qızını vurub. ‎

Nəticədə Feyruz Eyvazov aldığı xəsarətlərdən hadisə yerində ‎dünyasını dəyişib. Elnurə Ağayeva isə qapalı kəllə-beyin travması və ‎sol ayağın sınığı diaqnozu ilə xəstəxanaya yerləşdirilib.‎

Faktla bağlı Nərimanov Rayon Polis İdarəsində Cinayət Məcəlləsinin ‎‎263.2-ci (Yol hərəkəti və nəqliyyat vasitələrinin istismarı qaydalarını ‎pozma, ehtiyatsızlıqdan zərərçəkmiş şəxsin ölümünə səbəb olduqda) ‎maddəsi ilə cinayət işi başlanılıb, istintaq aparılır.‎

BÖLMƏNİN DİGƏR XƏBƏRLƏRİ