USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ ilk dəfə olaraq Rusiyaya qadın səfir təyin etdi
ABŞ Konqresinin Senatı Linn Treysini ölkənin Rusiyadakı yeni səfiri vəzifəsinə təsdiqləyib. Bununla da rəsmi Vaşinqton ilk dəfə olaraq Moskvadakı diplomatik korpusun rəhbəri vəzifəsinə qadın göndərir.
Treysi 70-dən çox səs toplayıb. Bu, onun təyinatı üçün kifayətdir.
ABŞ prezidenti Cozef Bayden sentyabr ayında ABŞ-ın Rusiyadakı diplomatik missiyasının rəhbəri vəzifəsinə Treysinin namizədliyini irəli sürmüşdü.
Noyabrın sonunda ABŞ Senatının Xarici Əlaqələr Komitəsində namizədliyinin təsdiqi ilə bağlı keçirilən dinləmədə Treysi Vaşinqtonun Moskvaya qarşı sanksiya kursu ilə razılaşdığını və anti-Rusiya məhdudiyyətlərinin daha da sərtləşdirilməsini dəstəklədiyini bildirib.
O, Rusiyada həbsdə olan amerikalıların azadlığa buraxılmasını prioritet hesab edəcəyini qeyd edib.
