USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qalib Toğrul: "Qubad İbadoğlunun səhhəti ilə bağlı narahatlığımız davam edir."
Qubad müəllim bugünkü telefon danışığında nikbin görünməyə çalışsa da, onun səhhəti ilə bağlı narahatlığımız davam edir.
Hazırda qardaşım kiçik otaqda 4 nəfərlə birgə saxlanılır. Otağın ventilyasiya sistemi olmadğından havası dəyişdirilmir, adamların çoxluğu otaqda ağır havasızlıq yaradır. Bu da Qubad müəllimin təzyiqinin aşağı düşməsinə imkan vermir. Qardaşım aortanın anevrizması xəstəliyindən əziyyət çəkir. Həkimlər yaxşı bilir ki, belə xəstəlikdə davamlı yüksək təzyiq həyati risk deməkdir.
Bundan əlavə, Qubad müəllim ağır formalı şəkər xəstəsidir, gündə 4-5 litr su qəbul etməlidir. Ancaq təcridxana rəhbərliyi bizdən təmiz su qəbul etmədiyindən qardaşım məcburiyyətdən krandan gələn sudan istifadə edir. Eyni zamanda, yetərli çəkidə və çeşiddə ərzaq qəbuluna məhdudiyyət qoyulduğundan Qubad müəllim şəkər xəstəliyinin tələblərinə uyğun dietik yeməklər qəbul edə bilmir. Üstəlik, şəkər dərmanlarının bəzisini hələ də Qubad müəllimə çatdıra bilməmişik, qəbul etmirlər.
Sabahdan başlayaraq qeyd olunanların həlli istiqamətində hüququn imkanları çərçivəsində addımlar atmağa başlayacağıq. İnsan hüquqları müdafiəçilərindən və müstəqil mediadan xahiş edirəm, Qubad İbadoğlunun səhhəti və saxlanma şəraiti ilə bağlı narahatlığımızı diqqətdə saxlasınlar.
