USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Patriarx Kirill Prezident İlham Əliyevi təbrik edib
Moskvanın və Bütün Rusiyanın Patriarxı Kirill Azərbaycan Respublikasının Prezidenti İlham Əliyevə doğum günü münasibətilə təbrik məktubu göndərib.
Təbrik məktubunda Patriarx Kirill Prezident İlham Əliyevin Azərbaycan dövlətinə və vətəndaşlarına göstərdiyi qayğını, həyata keçirdiyi uğurlu sosial-iqtisadi siyasəti və beynəlxalq gündəliyin formalaşdırılmasına verdiyi töhfələri yüksək qiymətləndirib. O qeyd edib ki, müasir mürəkkəb geosiyasi şəraitdə bu vəzifələrin icrası dövlət başçısından strateji düşüncə, yüksək məsuliyyət və analitik yanaşma tələb edir.
Patriarx Kirill, həmçinin Azərbaycan Respublikasının dövlət qurumları ilə Rus Pravoslav Kilsəsinin Bakı Yeparxiyası arasında mövcud olan səmərəli əməkdaşlığın dəstəklənməsinə görə Prezident İlham Əliyevə minnətdarlığını bildirib və bu münasibətlərin gələcəkdə də ənənəvi mənəvi dəyərlərin möhkəmlənməsinə xidmət edəcəyinə ümidvar olduğunu vurğulayıb.
Məktubun sonunda Patriarx Kirill Prezident İlham Əliyevə möhkəm cansağlığı, rifah, Uca Allahdan kömək və Azərbaycan xalqının firavanlığı naminə gələcək fəaliyyətində yeni uğurlar arzulayıb.
