USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan 5 ölkə ilə vizasız gediş-gəliş barədə danışıqları davam etdirir
Azərbaycan vətəndaşlarının vizasız səyahət imkanlarının genişləndirilməsi istiqamətində bir sıra ölkələrlə danışıqlar aparılır.
Bunu xarici işlər naziri Ceyhun Bayramov ilin yekunlarına dair keçirilən mətbuat konfransında jurnalistlərin suallarını cavablandırarkən bildirib.
Nazirin sözlərinə görə, Xarici İşlər Nazirliyi vizasız rejim tətbiq edən ölkələrin sayının artırılması üçün mütəmadi iş aparır və bu proses qarşılıqlılıq prinsipi əsasında həyata keçirilir. Hazırda Azərbaycan vətəndaşları Birləşmiş Ərəb Əmirlikləri, Qətər, Mərakeş, Serbiya və Çin kimi ölkələrə vizasız səfər edə bilirlər. Bu imkan əsasən mülki pasporta malik şəxslərə şamil olunur.
Ceyhun Bayramov qeyd edib ki, diplomatik pasport sahibləri üçün vizasız səyahət imkanları daha genişdir. Belə ki, 2025-ci il ərzində bu sahədə 10 yeni saziş imzalanıb və nəticədə diplomatik pasportla vizasız səfər edilə bilən ölkələrin sayı 74-ə çatıb.
Nazir əlavə edib ki, yaxın dövrdə də bu istiqamətdə danışıqların davam etdirilməsi və Azərbaycan vətəndaşları üçün səyahət imkanlarının daha da artırılması nəzərdə tutulur.
