USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Professor Qubad İbadoğluna qarşı işgəncələr bitmir
Saxta ittihamlarla Bakı İstintaq Təcridxanasında saxlanılan professor Qubad İbadoğluna qarşı psixoloji təzyiq daha da şiddətlənib, əsəbləri pozulan qardaşım 3 gecədir, yatmır.
Özbaşınalıq o həddə çatıb ki, təcridxana rəisinin Əhəd adlı müavini qardaşımdan xaricdə yaşayan övladlarının telefon nömrələrini tələb edib, əks halda danışığa icazə verməyəcəyini deyib. Rəis müavini daha da irəli gedərək qardaşımdan övladlarının hansı ölkədə, hansı şəhərdə yaşadıqlarını soruşub. Görünür ki, Əhəd adlı şəxs səlahiyyət həddini aşaraq başqa qurumlar üçün məlumat toplayır.
Bu gündən qardaşımın övladlarına qarşı baş verə biləcək hər hansı təxribat hərəkətlərinə görə Əhəd və ona bu tapşırığı verən ağaları məsuliyyət daşıyırlar!
Gecələr kameranın işıqlarının söndürülməməsi və ya azaldılmaması qardaşımın əsəb pozğunluğunu daha da gücləndirib. Bu, bir az əvvəlki məhkəmədə açıq-aşkar hiss olunub.
Kimsə deməsin ki, bütün kameralarda işıqlar söndürülmür. Birincisi, işıqların söndürülməməsinin hüquqi əsası yoxdur. Varsa, göstərin hansı normativ hüquqi aktda yazılıb.
İkincisi, "hamının kamerasında işıqlar söndürülmür" mifinə inanmayın, sadəlövh olmayın, burda qanun da, ədalət də puldur.
Ona görə də qardaşıma qarşı bu cür davranışın və gecələr işığın söndürülməməsinin bir adı var: İŞGƏNCƏ!
Qubad İbadoğluna qarşı işgəncələri dayandırın! Unutmayın, hamınız buna görə bir gün hesab verəcəksiniz!
Ədalət mühakiməsindən yayına bilərsiniz, ancaq vicdanınız və Allah qarşısında hesab verməkdən sizi ölüm də xilas etməyəcək!
Qalib Toğrul
