Qanunsuz olaraq həbs edilmiş qardaşım, professor Qubad İbadoğlunun saxlanma şəraiti, saxlanma yerində (Bakı İstintaq Təcridxanası) saxlanılan şəxs kimi hüquqlarının pozulması ilə bağlı vəkillər Ədliyyə Nazirliyinə tabe olan qurumlara - o cümlədən Penitensiar Xidmətə məktublar göndərirlər, çox vaxt müraciətlərinə birbaşa cavab ala bilmədiklərindən Ombudsmana müraciət edirlər.
Aşağıda təqdim etdiyim məktub Penitensiar Xidmətin Ombudsman vasitəsilə bizə verdiyi cavabdır.
Bu qurumlar yalana o dərəcədə öyrəncəli olublar ki, artıq ağıllarına yox, ağızlarına gələni yazırlar. Məktubda yazılıb ki, Qubad İbadoğlu guya 0.10.2023-cü il tarixdə xaricdə yaşayan qardaşı ilə telefon əlaqəsi saxlayıb.
Halbuki, el-aləm, elə Penitensiar Xidmət də bilir ki, bizim xaricdə yaşayan qardaşımız yoxdur!
Yalanın tipinə görə təsnifatı olmasa da, dərəcəsinə görə fərqləndirməsi var.
Bax, bu, əsl ağ yalandır!