USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Avropa Parlamenti Fuad Ələsgərov, Vilayət Eyvazov və Əli Nağıyevə qarşı sanksiyalara çağırır
Avropa Komissiyasından Azərbaycanla qaz sazişini dayandırmaq da tələb olunur
Avropa Parlamenti üç yüksək rütbəli azərbaycanlı məmura sanksiya tələbi ilə qətnamə hazırlayıb.
Bunlar Prezident Administrasiyasının Hüquq mühafizə orqanları ilə iş şöbəsinin müdiri, İlham Əliyevin köməkçisi Fuad Ələsgərov, daxili işlər naziri Vilayət Eyvazov və dövlət təhlükəsizlik xidmətinin rəhbəri Əli Nağıyevdir.
“Azərbaycanda vətəndaş cəmiyyətinə və müstəqil mediaya qarşı davam edən repressiyalar, həmçinin Qubad İbadoğlu, Anar Məmmədli, Kamran Məmmədli, Rüfət Səfərov və Meydan TV-nin işlərinə dair” Qətnamə sabah səsverməyə çıxarılacaq.
Avropa Parlamenti yaydığı sənəddə qeyd edir ki, hər üç yüksək vəzifəli şəxs Azərbaycanda siyasi həbslərin və repressiyaların əsas təşkilatçısı və iştirakçısıdır.
Parlament Azərbaycan tərəfindən ratifikasiya olunmuş İnsan Hüquqları üzrə Avropa Konvensiyasına əsaslanaraq ölkədə baş verən siyasi təzyiqlər və insan hüquqları ilə bağlı çağırış ediblər.
