USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
"Bakı İstintaq Təcridxanası"-nda məhbuslardan rüşvət alınır
"Abzas Media"nın saxta ittihamlarla həbsdə saxlanılan əməkdaşları 1 saylı Bakı İstintaq Təcridxanasında baş verən rüşvət hallarını monitorinq ediblər.
Ülvi Həsənli, Sevinc Vaqifqızı, Elnarə Qasımova və Nərgiz Absalamovanın ərsəyə gətirdiyi məqalədə bildirilir ki, ötən il Elnur İsmayılov təcridxanın əməkdaşlarını toplayıb "bundan sonra kimin rüşvət alması ilə bağlı şikayət gəlsə, onu qorumayacağam, işdən azad edəcəyəm" deyibmiş.
Onu rüşvətə "yox" deməyə məcbur edən müəmma isə iki həftəyə aydınlaşıb. Yeni təyin olunan ədliyyə naziri mayın 11-də təcridxanaya baş çəkməyə gələcəkmiş.
Məqalədə bildirilir ki, həmin ərəfədə görüşdən gələn qadın məhbusların ciblərindəki pula toxunulmurdu. Otağını dəyişmək istəyən məhbuslara "2 nəfərlik kameraya keçmək üçün 200 manat verməlisən" deyilmirdi. Çalışırdılar ki, məhbuslar arasındakı problemi narazılıq olmadan həll etsinlər.
"Mayın 11-də bu qonağın yeni təyin edilmiş ədliyyə naziri Fərid Əhmədov olduğu aydınlaşdı. Qadın məhbuslar qapıların gözlüklərindən baxıb nazirin korpusa gəlişini gözləyirdilər. Nazir isə heç bir məhbusla danışmadan gülə, çiçəyə, yeni kəsilən otlara baxıb getdi.
O, gedəndən təxminən bir ay sonra psixoloq və korpusun rejim rəisinin otağında rüşvət yığımı davam etməyə başladı.
10 dəqiqəlik telefon danışığına görə 10 manatı alınan məhbus da var, 5 manatı alınan da. Məhbusun iki nəfərlik kameraya yerləşdirilməsi üçün 200 manat da alınıb, 300, 500 manat da. 4-5 nəfərlik səliqəli, sakinləri mehriban olan kameralara isə 100 manata məhbus yerləşdirilir.
Əlbəttə ki, bütün bu proseslər rəis Elnur İsmayılovun iradəsi, nəzarəti çərçivəsində baş verir və onun nə qədər rüşvət pəhrizində qaldığını göstərir.", - deyə məqalədə bildirilir.
