USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Toplum TV işi” üzrə məhkəmədə yeni ittihamlar elan olundu
İyunun 2-də Bakı Ağır Cinayətlər Məhkəməsində “Toplum TV işi” üzrə növbəti məhkəmə iclası keçirilib. Prosesə hakim Azər Tağıyev sədrlik edib.
Bu dəfə məhkəmədə ittiham aktının daha bir hissəsi elan olunub. İttihamlar Toplum TV-nin jurnalisti Müşfiq Cabbar, Demokratik Təşəbbüslər İnstitutunun əməkdaşları Əli Zeynal və Ramil Babayev, eləcə də III Respublika Platformasının qurucu üzvü Ruslan İzzətli ilə bağlı olub.
Ötən iclasda isə ittiham aktının Demokratik Təşəbbüslər İnstitutunun rəhbəri və III Respublika Platformasının spikeri Akif Qurbanova, həmçinin Toplum TV-nin həmtəsisçisi Ələsgər Məmmədliyə dair hissələri elan olunmuşdu.
Məhkəmə prosesi iyunun 23-də davam etdiriləcək.
“Toplum TV işi” üzrə istintaq və təzyiqlər bu ilin mart ayında — 6 mart 2024-cü ildə Toplum TV-nin ofisinə edilən polis reydi ilə başlayıb. Həmin reyd zamanı bir neçə əməkdaş saxlanılıb, ofisdəki avadanlıq müsadirə edilib.
Ümumilikdə, iş üzrə 10 nəfər barəsində cinayət işi açılıb. Onlardan Ələsgər Məmmədli, Müşfiq Cabbar, Akif Qurbanov, Ruslan İzzətli, Əli Zeynal, Ramil Babayev, İlkin Əmrahov və Fərid İsmayılov hazırda həbsdədir. Jurnalist Elmir Abbasov barəsində polis nəzarəti altında qətimkan tədbiri seçilib, Şahnaz Bəylərqızı isə ev dustaqlığında saxlanılır.
İlkin mərhələdə saxlanılanlar qaçaqmalçılıqda ittiham olunsalar da, sonradan ittihamların ağırlaşdırıldığı bildirilir. Hüquq müdafiəçiləri və beynəlxalq təşkilatlar bu həbsləri ifadə azadlığına və müstəqil mediaya qarşı təzyiq kimi qiymətləndirirlər.
