Türkiyənin Antalya şəhərində bıçaqlanaraq xəsarət alan Azərbaycan Muay-Tay Federasiyasının sədri Araz Musayev hadisə ilə bağlı ciddi ittiham irəli sürüb. O, yayımladığı video-açıqlamada hücuma görə Suraxanı Rayon İcra Hakimiyyətinin başçısı Adil Əliyevi məsuliyyətli olduğunu iddia edib.

“Məni Suraxanı Rayon İcra Hakimiyyətinin başçısı Adil Əliyevin tapşırığı ilə bıçaqlayıblar,” – deyə Musayev bildirib. Onun sözlərinə görə, hadisənin motivi şəxsi deyil, sırf vəzifə ilə bağlı mübahisədən qaynaqlanır.

“Aramızda olan problem işlə bağlı olub. Adam Muay-Tay Federasiyasının başına keçmək istəyirdi. Bizim başqa heç bir şəxsi problemimiz olmayıb. Federasiyaya təyinat istəklə deyil, seçimlə olur. Bu vaxta kimi mənə qarşı xoş olmayan addımlar atıb. Son addım isə killer tutmaq oldu”, – deyə federasiya rəhbəri iddia edib.

Qeyd edək ki, hadisə ilə bağlı hələlik rəsmi orqanlardan və Adil Əliyevdən heç bir açıqlama verilməyib. Hadisənin təfərrüatları və irəli sürülən iddialarla bağlı araşdırma aparılır.

Əlavə məlumat üçün gözlənilir.

Qarşı tərəfin mövqeyini dərc etməyə hazırıq.