USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Araz Musayevin bıçaqlanması ilə bağlı 5 nəfər saxlanılıb – Onlardan biri millinin baş məşqçisidir
Muay Tay Federasiyasının prezidenti Araz Musayevin Türkiyədə bıçaqlanması ilə bağlı yeni detallar ortaya çıxıb.
“Haber Türk” telekanalının məlumatına görə, hadisə Antalyanın Kəmər bölgəsində baş verib. Hadisə ilə bağlı 5 nəfər şübhəli saxlanılıb: onların üçü özbəkistanlı, ikisi isə azərbaycanlıdır. Hadisədən sonra qaçmağa çalışan şübhəlilər Antalyadakı hava limanında saxlanılıblar. Məlumata görə, onlar qaçmazdan əvvəl şəhər mərkəzində bərbərxanaya gedərək imiclərini və paltarlarını dəyişiblər.
Hadisə iştirakçılarından biri isə Rusiya istiqamətinə qaçmağa nail olub. Lakin o da Rusiyada hava limanında saxlanılıb və Türkiyəyə ekstradisiyası planlaşdırılır.
Telekanalın məlumatına əsasən, saxlanılanlardan biri Azərbaycanın kikboksinq üzrə milli komandasının baş məşqçisi Elşən Abdulrəhimovdur.
