USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gənc jurnalistdən kişi hakimə “kişilik dərsi” – Məhkəmədə cəsarətli çıxış
“Abzas Media”nın həbsdə olan jurnalisti Nərgiz Absalamova iyunun 20-də keçirilən məhkəmə prosesində son sözünü deyib. Gənc jurnalist çıxışında ədalətsiz məhkəmə sisteminə, korrupsiyaya və senzura siyasətinə sərt tənqidlər səsləndirib. O, sonda 8 il müddətinə azadlıqdan məhrum edilib.
25 yaşlı Nərgiz Absalamova məhkəmədə dediyi son sözlə sosial şəbəkələrdə gündəm olub. O, çıxışında həyat hekayəsini, jurnalistikaya gəlmək uğrunda ailə və sistemlə apardığı mübarizəni bölüşüb. Absalamova qeyd edib ki, təkcə peşə fəaliyyətinə görə ittiham olunub və şərlənərək həbs edilib.
“Azərbaycan kimi ölkədə qadın jurnalist olmaq ikiqat mübarizə tələb edir. Ailəmə, polislərə, sistemə qarşı mübarizə apardım. Nəticədə sındırmadılar, amma həbs etdilər”, – deyə o bildirib.
Jurnalist təcridxanada qarşılaşdığı korrupsiya və hüquq pozuntularını da ifşa edib. O, orada şəraitin ağırlığından, məhkumlara qarşı kobud rəftardan, rüşvət sistemindən və səhiyyə problemlərindən danışıb.
Absalamova həmçinin özünü mühakimə edən hakim Rasim Sadıxova da birbaşa müraciət edərək onu və məhkəmə heyətini ədalətsiz qərarlara görə tənqid edib:
“Sözünə hakim olmayan bir məhkəmə heyəti ancaq bizim gülüşümüzə layiqdir. Çarəsi var – Validol, ya da Karvalol. Narahat olmayın, dərmanlar Rusiya istehsalıdır”.
Cəsarətli çıxışında Absalamova, “Biz həbs olunaraq susdurulmaq istəndik, amma təcridxananın içindən belə ifşalara davam etdik,” – deyərək, mübarizəsinin dayanmadan davam edəcəyini bildirib.
Nərgiz Absalamovanın son sözü sosial mediada geniş yayılıb, jurnalist təşkilatları və ictimai fəallar onun çıxışını “müasir dövrün ədalət məhkəməsinə yazılmış açıq məktubu” kimi qiymətləndirib.
