USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azər Qasımlının məhkəmə baxışı iyulun 16-na təyin edilib
İyulun 2-də Bakı Ağır Cinayətlər Məhkəməsində Siyasi Menecment İnstitutunun rəhbəri, politoloq Azər Qasımlının işi üzrə hazırlıq iclası keçirilib.
Prosesə hakim Telman Hüseynov sədrlik edib. İclasda iştirak edən vəkil Aqil Layıc bir neçə vəsatət təqdim edib. O, cinayət işinə xitam verilməsi, Azər Qasımlının ev dustaqlığına buraxılması, eləcə də şüşə kameradan çıxarılaraq məhkəmə zalında əyləşməsinə şərait yaradılması barədə vəsatətlər qaldırıb.
Bundan əlavə, vəkil Mingəçevir Rayon Məhkəməsi və Şəki Kommersiya Məhkəməsindən sənədlər və video materialların məhkəməyə təqdim olunmasını, bəzi sübutların işdən çıxarılmasını və əlavə şahidlərin cəlb edilməsini istəyib.
Lakin bütün vəsatətlər rədd edilib və iş üzrə məhkəmə baxışı mərhələsinə keçid barədə qərar verilib. Növbəti baxış iclası iyulun 16-na təyin olunub.
Azər Qasımlı 2024-cü il dekabrın 8-də saxlanılıb. Ona qarşı Cinayət Məcəlləsinin 182.2.3-cü maddəsi (hədə-qorxu ilə tələb etmə, zor tətbiq etmə ilə törədildikdə) ilə ittiham irəli sürülüb və barəsində həbs qətimkan tədbiri seçilib.
Azər Qasımlı bu ittihamların əsassız və siyasi sifarişli olduğunu bəyan edib.
