USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azər Qasımlının ailəsinə və vəkillərinə məlumat verilmədən məhkəməsi keçirilib
Həbsdə olan müstəqil siyasətçi Azər Qasımlının məhkəməsi ailəsinə və vəkillərinə məlumat verilmədən keçirilib. Bu barədə onun həyat yoldaşı Samirə Qasımlı sosial şəbəkə paylaşımında məlumat verib.
Onun sözlərinə görə, məhkəmə prosesi iyunun 18-də baş tutub: “Bu gün Azər Qasımlının məhkəməsi keçirilib. Özü də ailəsindən və vəkillərindən xəbərsiz. Mən bu barədə təsadüfən xəbər tutub vəkillərə demişəm.”
Samirə Qasımlı bildirib ki, vəkil Rövşanə Rəhimli həmin gün səhər saatlarında Bakı Ağır Cinayətlər Məhkəməsinə zəng vuraraq işin nə vaxt təyin olunacağını soruşub, lakin ona bildirilib ki, “iş hələ məhkəməyə daxil olmayıb”.
Hadisə ictimaiyyət arasında hüquqi prosedurların şəffaflığı və müdafiə hüququnun pozulması ilə bağlı narahatlıqlar doğurub.
Qeyd edək ki, Azər Qasımlı “Demokratiya 1918” Hərəkatının rəhbəridir və bir müddətdir saxlanılıb. Onun barəsində konkret hansı maddə ilə cinayət işi açıldığı hələlik rəsmi şəkildə açıqlanmayıb.
