USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İctimai fəal Anar Abdulla 30 sutka inzibati həbs cəzası alıb
İctimai fəal Anar Abdulla iyulun 11-də inzibati qaydada 30 sutka müddətinə azadlıqdan məhrum edilib. Bu barədə məlumatı “Abzas Media” fəalın yaxınlarına istinadən yayıb.
Məlumata görə, Anar Abdulla Binəqədi Rayon Məhkəməsinin qərarı ilə İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələblərinə tabe olmamaq) maddələri üzrə təqsirli bilinib.
Məhkəmədə çıxışı zamanı A. Abdulla bildirib ki, o, iyulun 11-də Atatürk prospektində, ictimai nəqliyyatdan düşdüyü anda saxlanılıb və hər hansı inzibati hüquq pozuntusuna yol verməyib.
Qeyd edək ki, Anar Abdulla bu ilin aprel ayında Seçkilərin Monitorinqi və Demokratiyanın Tədrisi Mərkəzinin (SMDT) sədri Anar Məmmədli barəsində açılmış cinayət işi çərçivəsində təqsirləndirilən şəxs qismində tanınıb. O, qaçaqmalçılıq da daxil olmaqla səkkiz maliyyə cinayətində ittiham olunur və barəsində polisin nəzarətinə vermə qətimkan tədbiri seçilib.
