USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hüquq müdafiəçisi Fikrət Cəfərlinin məhkəməsi sabah keçiriləcək
Azərbaycan Respublikasının Vəkillər Kollegiyasının sədri və Məhkəmə-Hüquq Şurasının üzvü Anar Bağırovun hüquq müdafiəçisi Fikrət Cəfərliyə qarşı xüsusi ittiham qaydasında şikayəti əsasında məhkəmə prosesi sabah — 14 iyul saat 11:30-da Binəqədi Rayon Məhkəməsində davam etdiriləcək.
İttiham Azərbaycan Respublikası Cinayət Məcəlləsinin 147.1-ci maddəsi (böhtan) üzrə irəli sürülüb. Məhkəmə işi hakim Zamiq Bağırovun icraatındadır.
Təkcə şəxsi yox, həm də təşkilat hədəfdədir
Hüquq müdafiəçiləri bildirirlər ki, bu proses təkcə Fikrət Cəfərlini susdurmaq məqsədi daşımır, eyni zamanda onun rəhbərlik etdiyi hüquq təşkilatı — “İşgəncələr Əleyhinə Araşdırmalar Mərkəzi”ni də hədəfə alır.
Həmin təşkilat Avropa İnsan Hüquqları Məhkəməsinin 34116/15 saylı qərarı əsasında, Ədliyyə Nazirliyi tərəfindən 30 dekabr 2021-ci il tarixində rəsmi qeydiyyata alınıb. Lakin son dövrlər bu təşkilatın fəaliyyətinə təzyiqlərin artdığı bildirilir.
İddialara görə, Anar Bağırovun bu prosesdəki rolu təkcə fərdi deyil, sistemli hücumun bir hissəsidir. Hüquq müdafiəçiləri hesab edirlər ki, bu, Azərbaycanda insan hüquqları ilə məşğul olan müstəqil təşkilatların və şəxslərin kriminalizasiya edilməsi tendensiyasına uyğundur.
Beynəlxalq narahatlıq və yerli susqunluq
Hadisə hələlik geniş ictimai və beynəlxalq reaksiyaya səbəb olmasa da, hüquq müdafiəçiləri məsələni siyasi motivli təqib kimi qiymətləndirir və Fikrət Cəfərlinin müdafiəsinə çağırış edirlər.
Foto.info.az məhkəmə prosesinin gedişi və verilən qərarla bağlı oxuculara operativ məlumat təqdim edəcək.
