USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Araz Əliyev: “Anamın ölümünü sadəcə izləməyimi istəyirlər!”
Azerbaycanlı ictimai fəal Araz Əliyev ciddi ittihamlarla çıxış edib. O, sosial şəbəkədə yaydığı müraciətində anasının ağır vəziyyətdə olduğunu və dövlətin onun müalicə olunmasına imkan vermədiyini bildirib.
Araz Əliyevin sözlərinə görə, anası altı aydır xərçəng xəstəliyindən əziyyət çəkir, ağır əməliyyat keçirib və hazırda kimyaterapiya alır. Lakin Əliyev deyir ki, ölkədəki səhiyyə sisteminin “peşəkarlığına” baxmayaraq, müalicə heç bir nəticə vermir, anasının vəziyyəti sürətlə pisləşir və həkimlər konkret izahat verməkdən yayındılar.
Ən böyük problem isə odur ki, Araz Əliyev anasını müalicə üçün xaricə aparmaq istəyərkən hava limanında onun barəsində çıxış qadağasının olduğunu öyrənib. “Təcili şəkildə anamı ölkədən çıxarmalıyam. O, ağır xəstədir və mən olmadan səfər edə bilməz. Amma mənə ölkədən çıxmağa icazə verilmir. Bu nə deməkdir? Sadəcə gözlərimin önündə anamın ölümünü izləməliyəm?”, – deyə Əliyev açıqlamasında bildirib.
O, beynəlxalq ictimaiyyəti və hüquq müdafiə təşkilatlarını bu məsələyə biganə qalmamağa çağırır və anasının həyatını xilas etmək üçün təcili yardım istəyir.
