USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Araz Əliyevin ölkədən çıxışına qoyulan qadağa ləğv edilib
III Respublika Platformasının və NİDA Vətəndaş Hərəkatının üzvü Araz Əliyevin ölkədən çıxışına qoyulan məhdudiyyət aradan qaldırılıb. Bu barədə siyasətçi şəxsi “Facebook” səhifəsində məlumat verib.
Araz Əliyevin bildirdiyinə görə, iyulun 10-u axşam saatlarında hüquq-mühafizə orqanları tərəfindən ona bu barədə məlumat verilib və o, artıq ölkəni tərk edib. O qeyd edib ki, hazırda onkoloji xəstəliyi olan anası ilə birlikdədir və müalicə prosesinə başlanılıb.
Xatırladaq ki, Əliyev iyulun 7-də anasını ölkə xaricinə aparmaq istəyəndə, sərhəddə adının “stop” siyahısında olduğunu öyrənmişdi. O zaman ona bu qadağanın “Toplum TV işi” üzrə istintaqa şahid qismində cəlb edilməsi ilə əlaqədar tətbiq edildiyi bildirilmişdi. Həmin istintaq artıq başa çatıb.
III Respublika Platforması 2023-cü ilin dekabrında, növbədənkənar prezident seçkiləri ərəfəsində bir qrup vətəndaş cəmiyyəti nümayəndəsi tərəfindən yaradılıb. Platformanın spikeri, Demokratik Təşəbbüslər İnstitutunun rəhbəri Akif Qurbanov, 2024-cü ilin martında “Toplum TV işi” çərçivəsində həbs olunub. Platformanın digər üzvü Ruslan İzzətli də hazırda eyni iş üzrə həbsdə saxlanılır.
