USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Adil Əliyev: “Məni tanıyan kimsə bu yalana inanmır”
Suraxanı Rayon İcra Hakimiyyətinin başçısı Adil Əliyev Türkiyənin Antalya şəhərində bıçaqlanan Azərbaycan Muay-Tay Federasiyasının sədri Araz Musayevin onun barəsində səsləndirdiyi ittihamlara münasibət bildirib.
Adil Əliyev Musayevin iddialarını tamamilə əsassız və böhtan xarakterli adlandırıb:
“Hadisə ilə heç bir bağlılığım yoxdur. Bu barədə məlumatı yalnız mətbuat vasitəsilə almışam. Araz Musayevin çarpayıda uzanaraq cəmiyyətə və ölkənin ali orqanlarına təsir etməyə çalışması, ictimai rəyi manipulyasiya etməsi yolverilməzdir”, – deyə o bildirib.
İcra başçısı vurğulayıb ki, hadisəni törədən şəxs və hadisənin baş verdiyi yer bəllidir və onun bu məsələ ilə heç bir əlaqəsi yoxdur:
“Mən Bakıda oturub öz işimlə məşğulam və bu kimi hadisələrdə indiyə qədər heç zaman adım hallanmayıb, hallana da bilməz. Çünki bizim daim bir məqsədimiz olub – dövlətimizə və xalqımıza xidmət etmək.”
Adil Əliyev əlavə edib ki, Araz Musayevin hansı səbəbdən belə bir iddia irəli sürdüyü ona məlum deyil:
“Araz Musayevin nə düşündüyünü, nə üçün belə böhtan atdığını bilmirəm. Ancaq bildiyim odur ki, bu, iyrənc yalandır. Əlbəttə ki, məni tanıyan kimsə bu yalana inanmır.”
Qeyd edək ki, Araz Musayev hadisədən sonra yaydığı video-müraciətində bıçaqlanma əməlini Suraxanı Rayon İcra Hakimiyyətinin başçısı Adil Əliyevin sifarişi ilə həyata keçirildiyini iddia etmişdi.
Hazırda hadisə ilə bağlı araşdırmalar davam edir.
