USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Avqustun 4-də “Toplum TV işi” üzrə növbəti məhkəmə prosesi keçiriləcək
Avqustun 4-də Bakı Ağır Cinayətlər Məhkəməsində “Toplum TV işi” üzrə həbs olunan şəxslərin növbəti məhkəmə iclası baş tutacaq. Proses saat 10:00-a təyin olunub.
Ötən məhkəmə iclasında təqsirləndirilənlərdən “Toplum TV”nin həmtəsisçisi Ələsgər Məmmədli və jurnalist Fərid İsmayılovun müdafiəçiləri onların səhhətindəki problemləri əsas gətirərək ev dustaqlığına buraxılmaları üçün vəsatət qaldırıblar. Lakin hakim həkim rəyi təqdim edilmədiyi üçün bu vəsatətləri təmin etməyib.
Həmin prosesdə həmçinin təqsirləndirilənlərdən biri – Demokratik Təşəbbüslər İnstitutunun (İDİ) rəhbəri Akif Qurbanov başladığı çıxışını yekunlaşdırıb. O, çıxışının bu hissəsində ictimai-siyasi fəaliyyətə başladıqdan sonra ailə üzvlərinin üzləşdiyi təhdidlərdən danışıb və buna görə hökumətin məsuliyyət daşıdığını bildirib.
“Toplum TV işi” üzrə ümumilikdə 10 nəfər barəsində cinayət işi başlanıb. Onlar əvvəlcə qaçaqmalçılıq ittihamı ilə saxlanılıblar. Daha sonra onların barəsindəki ittihamlar ağırlaşdırılıb.
Məhkəmə prosesi davam edir.
