Azərbaycan Vətən Müharibəsi Veteranları İctimai Birliyinin təmsilçiləri bu gün Şamaxı rayonu İcra Hakimiyyəti Başçısının I müavini Hikmət Şikarovla görüşərək Birliyin təsis etdiyi Xatirə medalları ilə təltif ediblər. Rayonda veteranların probemlərinə daim qayğıyla yanaşan Hikmət Şikarov, DİN tərkibində 1990-1992-ci illərdə ağır döyüş yolu keçmiş müharibə veteranıdır.

Şamaxı rayonu İcra Hakimiyyəti Başçısının I müavini Hikmət Şikarov, cəbhənin Ağdam, Füzuli, Xocalı, Şuşa, Laçın, Qubadlı, Zəngilan, Cəbrayıl və Ağdərə uğrunda gedən döyüşlərin iştirakçısı olub. Müharibə veteranı kimi H. Şikarov AVMVİB — nin təsis etdiyi Xatirə medallarıyla təltif olunub.

Bu barədə məlumat verən AVMVİB Nəsimi rayon şöbəsinin sədri, AVMVİB sədrinin səlahiyyətli nümayəndəsi Elmar Hüseynov bildirdi ki, öncə müharibə veteranlarına etimad göstərdiyinə görə, Ali Baş Komandanımız cənab İlham Əliyevə veteranlar adından öz minnətdarlığımzı bildiririk. Şamaxı rayonu İcra Hakimiyyəti Başçısının I müavini Hikmət Şikarov, rayonda veteran və şəhid ailələrinə diqqət və qayğıyla yanaşması onun ağır döyüş yolu keçməsini bir daha sübut edir. Biz, AVMVİB olaraq onun bu humanizmini yüksək qiymətləndirdik. Belə insanlarla fəxr edirik.

Görüşdə, həmçinin AVMVİB Nəsimi rayon şöbəsinin sədri, AVMVİB sədrinin səlahiyyətli nümayəndəsi Elmar Hüseynov, AVMVİB Nəsimi rayon şöbəsi sədrinin müavini İlham Rüstəmov, AVMVİB sədrinin ictimaiyyətlə əlaqələr üzrə müavini İslam Səfərov və AVMVİB Şamaxı rayon şöbəsinin sədri Fuad Şəmiyev iştirak edirdilər.

Çox minlik veteranlar ordusu adından Şamaxı rayon İcra Hakimiyyəti Başçısının I müavini Hikmət Şikarovu təbrik edir və fəaliyyətində uğurlar arzulayırıq.

AVMVİB Mətbuat Xidməti

Fərid Səfərov