USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda mağaza sahibini bıçaqlayan səhiyyə işçisi həbs edildi
Bakının Hövsan qəsəbəsində spirtli içki üstündə baş verən mübahisə bıçaqlanma ilə nəticələnib. Hadisə “Zeytun Sovxozu” adlanan ərazidə qeydə alınıb.
Bakı Baş Səhiyyə Mərkəzində fəhlə kimi çalışan Hamlet Ağayev (soyad şərtidir) mağazada spirtli içki qəbul etdikdən sonra evinə yollanıb. Təxminən yarım saat sonra mağazaya geri dönərək nisyə içki tələb edib. Lakin mağaza sahibi Şahin Hüseynovun buna etiraz etməsi onun aqressiyasına səbəb olub.
Hamlet evdən bıçaq götürərək mağazaya qayıdıb və içki tələbini yenidən irəli sürüb. Mağaza sahibi onun bu davranışına qarşı çıxaraq onu mağazadan uzaqlaşdırmaq istəyib. Lakin bu zaman Hamlet ona beş bıçaq zərbəsi endirib.
Yaralı xəstəxanaya yerləşdirilib. Keçirilən əməliyyat tədbirləri nəticəsində Hamlet Ağayev saxlanılıb. Məhkəmənin qərarı ilə o, 6 il 6 ay müddətinə azadlıqdan məhrum edilib. Faktla bağlı araşdırma davam etdirilir.
