USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xaçmazlı məzun qəbul imtahanında maksimum nəticə göstərdi – 400 bal
Xaçmaz rayonunun təhsil həyatında daha bir uğura imza atılıb. Akademik Zərifə Əliyeva adına Xaçmaz şəhər 8 nömrəli Liseyin məzunu Əliyeva Ləman Vasif qızı, IV ixtisas qrupu üzrə keçirilmiş qəbul imtahanlarında maksimum nəticə – 400 bal toplayıb.
Ləman Əliyeva ölkə üzrə keçirilən test imtahanlarında bütün sualları düzgün cavablandıraraq ən yüksək nəticəyə nail olub və bu uğuru ilə həm valideynlərini, həm də doğma liseyini qürurlandırıb.
Lisey rəhbərliyi və müəllim kollektivi Ləmanın bu uğurunu xüsusi fəxrlə qarşılayıb və onun gələcəkdə də elmi və peşəkar fəaliyyətində yüksək nəticələr əldə edəcəyinə əminlik ifadə ediblər.
Bu uğur bir daha sübut edir ki, Xaçmaz məktəbləri keyfiyyətli təhsili və yüksək bilik göstəriciləri ilə seçilməyə davam edir.
