USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sumqayıtda damdan yıxılan usta 20 gün sonra xəstəxanada vəfat etdi
Sumqayıtda təmir işləri zamanı ağır xəsarət alan şəxs xəstəxanada vəfat edib. Hadisə iyunun 10-da Novxanı bağlarında yerləşən fərdi yaşayış evlərindən birində baş verib.
1981-ci il təvəllüdlü Vüsal Quliyev təmir işləri gördüyü evin damından yıxılaraq ağır bədən xəsarətləri alıb. Yaralı Sumqayıt Tibb Mərkəzinin 2 saylı Şəhər Xəstəxanasına çatdırılıb və Reanimasiya şöbəsinə yerləşdirilib.
Sumqayıt Tibb Mərkəzindən verilən məlumata görə, ona boyun fəqərələrinin çoxsaylı sınıqları, onurğa beyinin ağır dərəcəli əzilməsi və müştərək travma diaqnozları qoyulub. Müvafiq cərrahi əməliyyat və intensiv müalicələrə baxmayaraq, Vüsal Quliyev iyunun 30-da vəfat edib.
Meyit Məhkəmə Tibbi Ekspertiza və Patoloji Anatomiya Birliyinin Sumqayıt şöbəsinə göndərilib. Faktla bağlı araşdırma aparılır.
