USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Xocavənddə MON-50 tipli piyada əleyhinə mina aşkarlanıb
Azərbaycan Respublikasının Minatəmizləmə Agentliyi (ANAMA) məlumat verir ki, Xocavənd rayonu Tağaverd kəndi ərazisində aparılan humanitar minatəmizləmə əməliyyatları zamanı MON-50 tipli Ermənistan istehsalı piyada əleyhinə mina aşkarlanıb.
Məlumata görə, mina meşəlik və sıx bitki örtüyünə malik çətin relyefli ərazidə ağaca quraşdırılıb və istiqamətlə idarə olunan qəlpələnən mina növünə daxildir. Qəlpələri 45-55 metrə qədər məhv etmə qüvvəsinə malikdir və işə düşdükdə 400-550 ədəd 1 sm ölçüsündə silindr formasında qəlpə ətrafa yayılır. Əməliyyat zamanı minanın yaxınlığında tələ məftili vasitəsilə digər minaya bərkidilməsi müəyyən edilib.
ANAMA əməkdaşları mina və digər təhlükəli qurğuları Beynəlxalq Minatəmizləmə Standartlarına əsasən elektrik üsulu ilə zərərsizləşdirib və ərazinin təhlükəsizliyini təmin ediblər.
Agentlik bir daha vətəndaşları təhlükəsizlik qaydalarına riayət etməyə, mina təhlükəsi işarələrinə diqqət yetirməyə və bələd olmadıqları ərazilərə daxil olmamağa çağırır.
