USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İstanbulda Böcək ailəsinin müəmmalı ölümü ilə bağlı 11 nəfər saxlanıldı
İstanbulda tətildə olan bir ailənin bütün üzvlərinin ardıcıl şəkildə vəfat etməsi ilə bağlı aparılan istintaq çərçivəsində 11 nəfər saxlanılıb.
Almaniyadan İstanbula gələn Böcək ailəsi noyabrın 12-də hoteldə yerləşdikdən sonra azyaşlı övladları ilə birgə ürəkbulanma və qusma şikayətləri ilə xəstəxanaya müraciət edib. Uşaqlar ertəsi gün, ana iki gün sonra, ata isə beş gün sonra dünyasını dəyişib.
Eyni hoteldə qalan digər iki turist də oxşar simptomlarla xəstəxanaya yerləşdirilib.
İlkin ehtimallarda sosial şəbəkələrdə ailənin midyədən zəhərlənməsi irəli sürülsə də, istintaq daha çox hoteldə aparılan kimyəvi təmizləmə işlərinin buna səbəb ola biləcəyi versiyasını araşdırır.
İstanbul Baş Prokurorluğunun məlumatına görə, istintaq çərçivəsində 11 nəfər məsuliyyətə cəlb olunub. Onlardan hotel sahibi, bir əməkdaş və simit satıcısı ifadəsi alındıqdan sonra sərbəst buraxılıb. 7 nəfər barəsində həbslə bağlı qərar verilib.
Araşdırma zamanı məlum olub ki, hoteldə kimyəvi təmizlik işlərini aparan şəxs bu sahədə tələb olunan sertifikata malik olmayıb.
İstintaq davam edir.
