USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ermənistan pasportu dünya reytinqində 64-cü yeri tutub
Ermənistan pasportu “Passport Index” platformasının hazırladığı “Global Passport Power Rank 2026” reytinqində 64-cü yerdə qərarlaşıb.
Reytinqə əsasən, Ermənistan pasportunun mobillik indeksi 80 bal təşkil edir. Ermənistan vətəndaşları 37 istiqamətə əvvəlcədən viza almadan səfər edə, daha 43 istiqamətdə isə sərhəddə viza və ya digər sadələşdirilmiş giriş imkanlarından yararlana bilirlər.
Siyahıya Birləşmiş Ərəb Əmirlikləri başçılıq edir. BƏƏ pasportunun mobillik göstəricisi 182 baldır. Bu ölkənin vətəndaşları 138 istiqamətə vizasız, daha 44 istiqamətə isə sadələşdirilmiş qaydada daxil ola bilirlər.
Reytinqdə ikinci yeri Sinqapur, üçüncü yeri isə İspaniya və Malayziya bölüşür.
Siyahının sonuncu pilləsində Əfqanıstan qərarlaşıb.
“Global Passport Power Rank 2026” reytinqində ümumilikdə 199 pasport qiymətləndirilib. Bunlara BMT-nin 193 üzv dövləti ilə yanaşı, Tayvan, Honq Konq, Makao, Kosovo, Fələstin əraziləri və Vatikan da daxildir.
“Passport Index”in metodologiyasına görə, ölkələrin mövqeyi yalnız vizasız səfər edilə bilən ölkələrin sayı ilə müəyyənləşmir. Reytinq hazırlanarkən sərhəddə viza, elektron icazə və digər sadələşdirilmiş giriş rejimləri də nəzərə alınır.
Azərbaycan pasportu həmin “Global Passport Power Rank 2026” reytinqində hazırda 61-ci yerdədir. Onun Mobility Score göstəricisi 83-dür: 35 istiqamət vizasız, 44 istiqamət sərhəddə viza, 4 istiqamət isə eTA ilə əlçatandır.
Yəni Azərbaycan Ermənistanı 3 pillə qabaqlayır:
Azərbaycan — 61-ci yer
Ermənistan — 64-cü yer.
