USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycanın milli komandası dünya çempionu oldu
Azərbaycan minifutbol millisi dünya çempionu oldu!
Azərbaycanın minifutbol millisi Bakıda keçirilən dünya çempionatında tarixi uğura imza atıb. Elşad Quliyevin rəhbərlik etdiyi komandamız final qarşılaşmasında Macarıstan yığmasını məğlub edərək dünya çempionu tituluna sahib çıxıb.
Milli Gimnastika Arenasında baş tutan həlledici qarşılaşma yığmamızın 4:2 hesablı inamlı qələbəsi ilə nəticələnib. Oyunda millimizin heyətində Təmkin Xəlilzadə (2-ci dəqiqə), Məhəmməd Xəlilov (8-ci dəqiqə) və Rəvan Kərimov (10 və 29-cu dəqiqələr) fərqləniblər.
Qeyd edək ki, turnirin üçüncü yer uğrunda görüşündə Serbiya millisi Monteneqro üzərində 3:0 hesablı qələbə qazanaraq bürünc medallara sahib olub.
Bu qələbə ilə Azərbaycan millisi tarixində ilk dəfə olaraq minifutbol üzrə dünya çempionu adını qazanıb.
