USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AZAL-ın ikinci yeni “Airbus A320neo” təyyarəsi Bakıya gətirilib
“Azərbaycan Hava Yolları” (AZAL) donanmasının genişmiqyaslı yenilənməsi və dayanıqlı inkişaf proqramı çərçivəsində bu il ikinci yeni “Airbus A320neo” təyyarəsini parkına əlavə edib.
AZAL-ın məlumatına görə, donanmanın genişlənməsi şirkətin regional və qlobal aviasiya bazarındakı mövqelərini möhkəmləndirir, sərnişinlərə isə daha çox rahatlıq və seçim imkanı yaradır.
“Airbus A320neo” modeli sərnişin rahatlığına yönəlmiş müasir interyer, genişləndirilmiş baqaj rəfləri, erqonomik oturacaqlar və sürətli “Wi-Fi” xidməti ilə təchiz olunub. Biznes sinfi sərnişinləri və “AZAL Miles” proqramının müəyyən statuslu üzvləri “Wi-Fi” xidmətindən ödənişsiz istifadə edə biləcəklər.
Yeni nəsil mühərriklər və təkmilləşdirilmiş aerodinamika sistemi sayəsində “Airbus A320neo” əvvəlki modellərlə müqayisədə yanacaq sərfiyyatını və CO₂ emissiyalarını əhəmiyyətli dərəcədə azaldır.
Xatırladaq ki, AZAL-ın ilk “Airbus A320neo” təyyarəsi 2025-ci ilin sentyabrında donanmaya daxil edilib. Aviaşirkətin inkişaf planına əsasən, 2032-ci ilədək AZAL-ın təyyarə parkı 30-dan çox yeni təyyarə ilə genişləndiriləcək və bu, şirkətə regionda ən müasir və enerji baxımından səmərəli donanmalardan birini yaratmaq imkanı verəcək.
