Nazirlər Kabineti “Fiziki şəxslər tərəfindən istifadəsi, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları” haqqında dəyişiklik edib.

Xaricdən gömrük ödənişi olmadan poçt və daşıyıcı şirkətlə fiziki şəxslərə gətirilən malların dəyəri 1000 dollardan 300 dollara endirilib. Eləcə də vətəndaş özü ilə xaricdən gələrkən gətirəcəyi əşyanın dəyəri 1500 dollardan 800 dollara endirildi.

Qüvvədə olan Qaydalara əsasən, Azərbaycan Respublikasının gömrük ərazisinə hər təqvim ayı ərzində bir dəfə gətirilən ümumi gömrük dəyəri 1500 ABŞ dolları ekvivalenti məbləğindən (müşayiət edilən hər bir yetkinlik yaşına çatmamış fiziki şəxsə görə əlavə 500 ABŞ dolları ekvivalenti məbləğindən) artıq olmayan mallar və beynəlxalq poçt göndərişləri və ya daşıyıcı şirkət vasitəsilə eyni fiziki şəxsin adına 30 gün müddətində ümumi gömrük dəyəri 1000 ABŞ dolları ekvivalenti məbləğindən artıq olmayan gömrük ərazisinə gətirilən mallar güzəştli qaydada (gömrük ödənişlərini ödəmədən) gömrük sərhədindən keçirilə bilərdi

“Fiziki şəxslər tərəfindən Azərbaycan Respublikasının gömrük sərhədindən keçirilərkən yazılı formada bəyan edilməli olan malların Siyahısı” da genişləndirilib. 20 min manat və ondan yuxarı məbləğdə olan nağd milli valyuta (kağız və metal pul nişanları) və milli valyutada ifadə olunan qiymətli kağızlar və səfər zamanı fiziki şəxslər tərəfindən, həmçinin poçt göndərişləri ilə ölkə ərazisinə gətirilən mobil telefon və digər simsiz rabitə avadanlıqları bu siyahıya daxil edilib.

İqtisadçılar bu qərarın ölkədən valyuta axınının qarşısını almaq məqsədi daşıdığını qeyd edirlər. Təbii ki bu qərar ikl növbədə qiymət artımına səbəb olacaq. Zərər çəkən isə xalqımızdır. Onsuzda nəzarətsiz olan bu orqanın süni yatardığı maniələrdindən vətəndaşlar əziyyət çəkir. Aerportda gələn malları qəstdən saxlamaqla əlavə "YER PULU" ödəməyə məcbur edilən vətəndaşlar üçünəvvəlcədən elektron ödəniş etməklə mallarını almaq imkanı tətbiq olunsaydı bu qədər narazılıq olmazdı.

Yeni qaydalar 21.09.2020-ci il tarixindən qüvvəyə minir.