USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ekspert: Saytların çökməsinin səbəbi Cloudflare-də yaranan qlobal nasazlıqdır
Bu gün bir çox yerli və xarici internet resurslarına daxilolmada yaranan problemlərin səbəbi Cloudflare-də baş verən genişmiqyaslı nasazlıqdır. Bunu Azərbaycan İnternet Forumunun prezidenti, İKT üzrə ekspert Osman Gündüz açıqlayıb.
Ekspertin sözlərinə görə, Cloudflare-in qlobal infrastrukturu üzərində yaranan texniki problem nəticəsində dünyanın müxtəlif ölkələrində çox sayda sayt açılmır:
“Cloudflare-in xidmətlərindəki nasazlıq səbəbindən istifadəçilər ‘Cloudflare Error’ tipli xətalarla qarşılaşırlar.”
O. Gündüz əlavə edib ki, bir çox Azərbaycan saytları da Cloudflare üzərindən fəaliyyət göstərdiyi üçün müvəqqəti əlçatmaz görünür:
“Saytların və serverlərin özündə heç bir problem yoxdur. Sadəcə trafik Cloudflare-dən keçmədiyinə görə resurslar açılmır.”
Ekspert bildirib ki, Cloudflare artıq qlobal miqyasda kəsintinin aradan qaldırılması üzərində işləyir və problemin qısa zamanda həll olunacağı gözlənilir.
