ABŞ-da koronavirusdan ölənlərin sayı 110 028 nəfərə çatıb.

“foto.info.az” xəbər verir ki, bu barədə federal və yerli hakimiyyət orqanlarının statistikası əsasında hesablamalar aparan Con Hopkins Universiteti bildirib.

Universitetin məlumatına görə, Birləşmiş Ştatlarda COVID-19-a yoluxanların sayı 1 927 428 nəfər təşkil edir. Ölkədə virusa yoluxmuş 500 min insan sağalıb.

Qeyd edək ki, ABŞ dünyada koronavirusa yoluxanların və pandemiya qurbanlarının sayına görə birinci yerdədir. Ölkə başçısı Donald Tramp daha əvvəl Birləşmiş Ştatlarda koronavirusdan 100 min insanın öləcəyini proqnozlaşdırmışdı.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.